Mig langar að deila með ykkur nýrri vöru sem ég keypti um daginn, Vitamin E Eyes Cube. Ég hef nokkrum sinnum átt augnkrem en alltaf gefist upp á að nota þau, ég er nú bara 21 árs og hef kannski ekki beint not fyrir augnkrem strax, en stundum þarf maður bara smá raka eða eitthvað til að fríska aðeins uppá augnsvæðið.  Þetta krem/gel er rosalega létt og frískandi undir augun. Eins og nafnið kannski gefur til kynna, eyes cube (ice cube?), er formúlan rosalega kælandi og því algjör snilld á morgnanna. Ég vakna oft svolítið þrútin í kringum augun og þetta hjálpar rosalega, bæði við að slá á þrota og bara hjálpar manni að vakna. Þegar maður ber þetta á er næstum eins og formúlan sé rennandi blaut, en sú er ekki raunin, þetta er bara svo rosalega kælandi eitthvað. Mér allavega finnst þetta algjör snilld og mæli með að prófa ef ykkur vantar smá búst á morgnanna eða yfir daginn (ég hef notað þetta yfir farða og hefur verið í góðu lagi).

Njótið dagsins! 
XX

Ekki gleyma INSTAGRAM // FACEBOOK