🍒CHERRY🍒

Pantaði þessa voða krúttlegu eyrnalokka á ASOS um daginn. Ég geng oftast um með silfur eða stál skart, eins og þið kannski sjáið á myndinni hérna fyrir ofan, en ég er tilbúin að gera undantekningu fyrir þessa af því þeir eru svo sætir! Þeir kostuðu alls ekki mikið – ég set link hér ef þið viljið kíkja á þá og kannski eignast ykkar eigið par.

NÝTT Á BÓKAHILLUNNI

Ég elska bækur og hér eru nokkrar sem ég keypti mér síðast þegar ég var stödd í London. Þegar þessi færsla fer í loftið verð ég líka stödd í London og hver veit – kannski búin að rata inní bókabúð.. Þessar fann ég nú samt eiginlega allar á flugvellinum þegar mér leiddist og beið eftir fluginu mínu heim. En mér fannst kápurnar fallegar og litli textinn aftan á þeim greip mig – já ég er s.s. ekki byrjuð að lesa neina þeirra, en það kemur! 

DO YOU READ BOOKS???

TAKK OG BLESS
xx

“NÝTT” Í SAFNIÐ – FOTIA

Athugið – vöurnar sem birtast í færslunni fékk ég að gjöf.

Þessi færsla er búin að sitja hér í drafts hjá mér í svolítinn tíma svo þetta er ekki GLÆNÝTT í safnið en nýlegt samt sem áður svo að mig langaði að deila með ykkur! 
Ég var mjög spennt þegar ég sá þennan leynast í pakkanum en það eru aaaallir að tala um þennan farða! Farðinn er frekar þekjandi en mér finnst hann samt alls ekki alltof mikið – ef það meikar sense.. ? Hann þornar með fallegri ljóma áferð og endist vel á húðinni. Liturinn sem ég fékk er svolítið dökkur svo ég gríp í hann þegar ég hef notað brúnkukrem eða blanda þessum hvíta farða útí en hann lýsir upp farðann án þess að breyta undirtóni farðans eða áferð.
Ó þessi lökk – svo krúttleg og sæt! Little Ondine er mjög skemmtilegt og ferkst merki en þau búa til naglalökk án eiturefna. Formúlan er góð og þekjandi, mælst er með því að fara tvær umferðir af lakkinu á hreinar neglur og leyfa að þorna alveg áður en þær komast í snertingu við vatn. Ég hef notað lökkin nokkrum sinnum síðan ég eignaðist þau og finnst þau mega næs! Það besta er að maður getur kroppað þau af og það er ekkert vesen, þau flagna bara af – svo næs.
Það næsta sem leyndist í pakkanum var þetta fallega glimmer, Afternoon Delight, frá Lit Cosmetics. Rosalega fallegt og gaman að vera með það! 

TAKK & BLESS
xx